Զելենսկու ծրագրի պատճառով Արևմուտքը կկրճատի Ուկրաինայի ֆինանսավորումը. քաղաքագետ

17.10 13:56 | Կատեգորիա Համաշխարհային

Այն բանից հետո, երբ Ուկրաինայի առաջնորդ Վլադիմիր Զելենսկին ներկայացրեց իր «հաղթանակի ծրագիրը», արևմտյան երկրները կկրճատեն Ուկրաինային տրամադրվող ֆինանսական աջակցությունը։ Նրանց համար բացարձակապես անընդունելի է պահանջների ցանկը, որը ներառում է ռուսական ինքնաթիռների խոցումն արևմտյան զենքով, ուստի նման խնդրանքների հետևանքները երկար սպասել չեն տա, RT-ին բացատրել է քաղաքագետ Եվգենի Միխայլովը։

Փորձագետը հիշեցրել է, որ պլանը ներառում է Ուկրաինայի անդամակցություն ՆԱՏՕ–ին, հակաօդային պաշտպանության, հեռահար զենքի մատակարարում և այլն։ Ավելին՝ Զելենսկին գործնականում վերջնագիր է ներկայացրել Արևմուտքին՝ պլանի իրականացման վերջնաժամկետ սահմանելով երեք ամիսը։

«Սա մեծ վրդովմունք է առաջացրել, և մենք տեսնում ենք արևմտյան լրատվամիջոցների և արևմտյան քաղաքական գործիչների արձագանքները, որոնք միաբերան պնդում են, որ ոչ ոք չի պատրաստվում Ուկրաինային ընդունել ՆԱՏՕ», - հիշեցրել է Միխայլովը:

Այս ամենը կապված է նաև ՌԴ նախագահ Վլադիմիր Պուտինի նախազգուշացման հետ, որ Ուկրաինային օգնելու նման միջոցները կունենան հետևանքներ, այդ թվում՝ միջուկային դոկտրինի փոփոխություններ, կարծում է քաղաքագետը։ Այս ամենը ենթադրում է, որ եթե Արեւմուտքը բացահայտորեն աջակցի Ուկրաինային, ապա Ռուսաստանը համապատասխան պատասխան կտա։

Ի վերջո, այն երկրները, որոնք Ուկրաինային միջոցներ և զենք են մատակարարել, կկրճատեն իրենց աջակցությունը, կարծում է Միխայլովը։ Արդեն նկատվում է, որ Գերմանիան և Ֆրանսիան դանդաղեցնում են Կիևին օգնության հատկացումը, նշել է նա։

«Այս ամենը խոսում է այն մասին, որ Արևմուտքը հոգնել է։ Արևմուտքը սկսել է ավելի ու ավելի շատ դրդել Զելենսկուն դեպի խաղաղություն»,- եզրափակել է փորձագետը։