ԱՄՆ Պետդեպարտամենտը չի հաստատել Ուկրաինային մատակարարվող զենքի հեռահարության սահմանափակումների ենթադրյալ վերացման մասին տեղեկատվությունը։ Համապատասխան հայտարարությունը լրագրողների համար կազմակերպված հերթական ճեպազրույցի ժամանակ արել է Արտաքին գործերի նախարարության մամուլի ծառայության ղեկավար Թեմի Բրյուսը։
«Ես չեմ քննարկելու դա և չեմ հաստատելու այն», – ասել է նա՝ ի պատասխան գերմանական իշխանությունների այն պնդումների մեկնաբանման խնդրանքին, որ մի շարք երկրներ, այդ թվում՝ Միացյալ Նահանգները, վերացրել են Կիևին փոխանցվող զենքի շրջանակի սահմանափակումները։
Մայիսի 26-ին Գերմանիայի կանցլեր Ֆրիդրիխ Մերցը հայտարարեց, որ իր երկիրը վերացրել է Ուկրաինայի կողմից Ռուսաստանի տարածքում գերմանական զենքով հարվածների հեռահարության բոլոր սահմանափակումները։Քաղաքական գործչի խոսքով՝ նմանատիպ որոշում են կայացրել Մեծ Բրիտանիան, ԱՄՆ-ը և Ֆրանսիան։ Ռուսաստանի նախագահի մամուլի քարտուղար Դմիտրի Պեսկովը հայտարարել է, որ այս որոշումը պոտենցիալ վտանգավոր է և հակասում է կարգավորման փորձերին։
