Մոսկվան բարձր է գնահատում ձեռք բերված պայմանավորվածությունները կյանքի կոչելու Վաշինգտոնի պատրաստակամությունը, ասել է ՌԴ նախագահի մամուլի քարտուղար Դմիտրի Պեսկովը՝ պատասխանելով Ռուսաստանի և ԱՄՆ-ի միջև գերիների փոխանակման աշխատանքների մասին հարցին։
«Կա քաղաքական կամք՝ իրականացնելու ձեռք բերված պայմանավորվածությունները, և աշխատանքը շարունակվում է: Եվ մենք բարձր ենք գնահատում այս փոխադարձ պատրաստակամությունը»,- ասել է Պեսկովը լրագրողներին՝ պատասխանելով այն հարցին, թե ինչպես են ԱՄՆ նախագահ Դոնալդ Թրամփի՝ Ուկրաինայի հարվածները քննադատող հայտարարությունները ազդում Ռուսաստանի և ԱՄՆ-ի միջև գերիների փոխանակման կազմակերպման աշխատանքի վրա։
