Չինաստանը դեմ է Կիևի անհիմն մեղադրանքներին և քաղաքական մանիպուլյացիաներին ռուսական ռազմական գործարաններին չինական արտադրանքի ենթադրյալ մատակարարման վերաբերյալ, երեքշաբթի ճեպազրույցում ասել է Չինաստանի ԱԳՆ խոսնակ Մաո Նինգը։
«Չինաստանի դիրքորոշումն ուկրաինական հարցում հետևողական և հստակ է, մենք միշտ ակտիվորեն հանդես ենք եկել պատերազմի դադարեցման և հրադադարի, խաղաղության խթանման և բանակցությունների առաջխաղացման օգտին»,- ասել է դիվանագետը։
Նա նշել է, որ «Չինաստանը երբեք մահաբեր զենք չի մատակարարել հակամարտության կողմերին և խստորեն վերահսկում է երկակի նշանակության ապրանքները»:
