Ղազախստանի իրավապահները Կարագանդայի շրջանում լիկվիդացրել են մեֆեդրոն արտադրող ստորգետնյա թմրանյութերի լաբորատորիան: Ավելի քան 500 գրամ պատրաստի նյութ է առգրավվել, հայտնում է հանրապետության ՆԳՆ մամուլի ծառայությունը։
«Բուխար-Ժիրաու շրջանի Ժանակալա գյուղում (Կարագանդայի շրջան) օպերատիվ-հետախուզական գործունեության ընթացքում լուծարվել է թմրանյութերի ստորգետնյա լաբորատորիան, որը զբաղվում էր սինթետիկ թմրամիջոց մեֆեդրոնի արտադրությամբ»,- ասվում է ՆԳՆ Polisia.kz տեղեկատվական պորտալում հրապարակված հաղորդագրության մեջ։
Նշվում է, որ խուզարկության ընթացքում ոստիկանության աշխատակիցները առգրավել են թմրանյութերի արտադրության համար նախատեսված մոտ մեկ տոննա քիմիական պրեկուրսորներ, ինչպես նաև ավելի քան 500 գրամ պատրաստի նյութ, որը կարելի է առանձնապես խոշոր չափաքանակ համարել։ Ալմաթիի շրջանի 38-ամյա բնակիչը բերման է ենթարկվել թմրանյութերի լաբորատորիա կազմակերպելու կասկածանքով, հարուցվել է քրեական գործ։
