Իրանի զինված ուժերը լիովին պատրաստ են ևս մեկ հրթիռային հարված հասցնել Իսրայելի տարածքին, եթե հրեական պետությունը փորձի ուժ կիրառել Իսլամական Հանրապետության դեմ։ Այս մասին հայտարարել է Իրանի բանակի գլխավոր հրամանատար Աբդուլռահիմ Մուսավին։
«Քանի որ ներկայումս Իսրայելում իշխանության մեջ են հանցագործները, մանկասպաններն ու հիմարները, հնարավոր է ցանկացած սխալ: Եթե նրանք շտապում են ստանալ նոր «ճշմարիտ խոստում» , ինչպես Իրանն է անվանում Իսրայելին նախորդ տարվա ապրիլին և հոկտեմբերին հրթիռային հարվածները, ապա մենք լիովին պատրաստ ենք և կիրագործենք մեր նախկին խոստումները»,-ասել է նա:
Զորավարի խոսքով` Իսրայելն ի վիճակի չէ Իրանին վնաս հասցնել իր սահմանափակ ռեսուրսների պատճառով։ Միևնույն ժամանակ, Իսլամական Հանրապետությունն ունակ է «մարտահրավեր նետել» Իսրայելին և նրա դաշնակիցներին, ընդգծել է Մուսավին։
