Տրամաբանական կլինի Լեհաստանի նախագահի թեկնածուներին թմրանյութ օգտագործելու համար թեստավորել, ասել է Լեհաստանի նախագահ Անջեյ Դուդան RadioZET-ի եթերում։
Նախագահական ընտրությունների առաջին փուլում, որը տեղի է ունեցել անցած կիրակի, իշխող կոալիցիայի թեկնածու Տրզասկովսկին ստացել է ձայների 31,36 տոկոսը, իսկ ընդդիմադիր թեկնածու Կարոլ Նավրոցկին՝ 29,54 տոկոսը։ Երկուսն էլ անցել են երկրորդ փուլ, որը կկայանա հունիսի 1-ին։ Ուրբաթ երեկոյան թեկնածուների միջև հեռուստաբանավեճեր են անցկացվել։
«Կարծում եմ, որ միանգամայն տրամաբանական կլիներ, եթե այս հարցը ստուգվեր»,- ասել է Դուդան՝ պատասխանելով նախագահի թեկնածուների՝ թմրամիջոցների թեստեր անցնելու անհրաժեշտության մասին հարցին։
Ինքը՝ Դուդան, ասել է, որ նման թեստեր չի անցել, բայց պատրաստ է դա անել։
«Ինքս նման հետազոտություններ չեմ անցել, բայց ամեն պահի պատրաստ եմ անցնել»,- ասել է նա։
