Մշակույթի, սպորտի և երիտասարդության հարցերով ԵՄ հանձնակատար Գլեն Միկալեֆը դատապարտել է Գազայում տիրող մարդասիրական սարսափելի իրավիճակը և ասել, որ մարզական աշխարհը պետք է բարձրաձայնի տեղի ունեցողի մասին:
«Երբ խոսքը վերաբերում է սպորտին, ես կարծում եմ, որ սպորտային միջոցառումներում տեղ չպետք է լինի նրանց համար, ովքեր չեն կիսում մեր արժեքները», - ասել է նա Politico-ին, առանց ուղղակիորեն Իսրայելի անունը նշելու, երբ հարցրել են, թե արդյոք երկիրը պետք է ենթարկվի սպորտային պատժամիջոցների Գազայի պատերազմի պատճառով:
Միկալեֆն անվանել է սպորտը «խաղաղության խթանման գործիք, որի միջոցով առաջ են մղվում մարդու իրավունքները»: Նրա խոսքով՝ «մարզական շարժումն ինքնավար է եւ ինքն է որոշումներ կայացնում»։
Մարզաշխարհում բազմիցս կոչեր են հնչել, ըստ Politico-ի, բոյկոտել Իսրայելի մասնակցությունը միջազգային մրցումներին՝ սկսած Օլիմպիական խաղերից մինչև աշխարհի գավաթ, թեև նման առաջարկները մինչ այժմ հիմնականում մերժվել են:
