Հնդկաստանի արտաքին գործերի նախարար Սուբրահմանյամ Ջայշանքարը Կանադայի արտգործնախարար Անիտա Անանդի հետ հեռախոսով քննարկել է երկրների միջև հարաբերությունների զարգացման հեռանկարները։ Այս մասին սոցցանցի իր էջում հայտնել է Հնդկաստանի ԱԳՆ ղեկավարը։
Սա նախարարների առաջին խոսակցությունն էր Անանդի պաշտոնավարումից հետո։
«Քննարկվել են հնդկական-կանադական հարաբերությունների հեռանկարները: Մաղթել եմ նրան հաջողություն իր պաշտոնում»,- գրել է Ջայշանքարը:
Անանդն, իր հերթին, երկխոսությունն արդյունավետ է անվանել։ Նա ասել է, որ նախարարները խոսել են «տնտեսական համագործակցության խորացման և ընդհանուր առաջնահերթությունների առաջխաղացման մասին»։
«Անհամբերությամբ սպասում եմ մեր համատեղ աշխատանքը շարունակելուն»,- ասել է նախարարը։
