Գազայի Ֆահմի ալ-Ջարջավիի անվան դպրոցի վրա Իսրայելի կողմից հասցված ավիահարվածի հետևանքով զոհերի թիվը հասել է առնվազն 25-ի, հաղորդում է կատարական «Ալ Ջազիրա» հեռուստաալիքը։
Իսրայելական ինքնաթիռների կողմից դպրոցի շենքին հասցված հարվածի հետևանքով, որտեղ բնակվում էին փախստականներ և տեղահանված անձինք, զոհվել է առնվազն 25 մարդ, այդ թվում՝ մի քանի երեխա, մեկ լրագրող և Կարմիր խաչի երկու աշխատակից։
Հեռուստաալիքը նաև հաղորդում է «մեծ թվով վիրավորների» մասին։
Ավելի վաղ Բեյրութում գործող «Ալ Մայադին» հեռուստաալիքը հայտնել էր, որ հարձակման հետևանքով զոհվել է առնվազն 20 մարդ՝ նշելով, որ Իսրայելի պաշտպանության ուժերը երկուշաբթի գիշերը ինտենսիվ հարվածներ են հասցրել Գազայի հատվածի հարավային և արևելյան հատվածներին։
