Կենտրոնական Ասիայի պետությունների ղեկավարների և Իտալիայի վարչապետ Ջորջիա Մելոնիի մասնակցությամբ առաջին գագաթնաժողովը տեղի կունենա մայիսի 30-ին Աստանայում, նույն օրը Իտալիայի կառավարության ղեկավարը պաշտոնական այց կկատարի Ղազախստան։ Այս մասին հայտնել է Հանրապետության նախագահ Կասիմ-Ժոմարտ Տոկաևի մամուլի ծառայությունը։ Մելոնին սկզբում պլանավորել էր այցելել Ուզբեկստան, ապա Ղազախստան ապրիլի 25-27-ը Կենտրոնական Ասիայի առաջնորդների հետ կայանալիք գագաթնաժողովին մասնակցելու համար։
Սակայն, ապրիլի 21-ին Հռոմի պապ Ֆրանցիսկոսի մահվան և դրան հաջորդած սգո միջոցառումների պատճառով այցելությունները հետաձգվեցին։Արդեն մի քանի տարի է, ինչ անցկացվում են գագաթնաժողովներ այն ձևաչափով, որտեղ Կենտրոնական Ասիայի «հինգ» երկրների՝ Ղազախստանի, Ղրղզստանի, Տաջիկստանի, Թուրքմենստանի և Ուզբեկստանի առաջնորդները հանդիպում են մեկ այլ պետության ղեկավարի հետ։ Նմանատիպ միջոցառումներ են անցկացվում նաև բարձր մակարդակով՝ արտաքին գործերի նախարարությունների կամ այլ գերատեսչությունների ղեկավարների մասնակցությամբ։
Այս ամռանը Աստանան նախատեսում է հյուրընկալել նաև Կենտրոնական Ասիա-Չինաստան գագաթնաժողովը, իսկ աշնանը Դուշանբեն կհյուրընկալի Կենտրոնական Ասիա-Ռուսաստան գագաթնաժողովը։
