Ավստրիայի կառավարությունը նախատեսում է 2026 թվականի կեսերին ամբողջությամբ սահմանափակել միգրանտների ընտանեկան վերամիավորման իրավունքը։ Այս մասին Financial Times-ին տված հարցազրույցում հայտարարել են կանցլեր Քրիստիան Շտոքերը և արտաքին գործերի նախարար Գերհարդ Քարները։
Ավստրիայի իշխանությունները կներդնեն քվոտաներ ընտանիքների վերամիավորման համար։ «Հնարավոր է, որ քվոտան զրոյական լինի», - մանրամասնել է արտաքին գործերի նախարարության ղեկավարը։ Նրա խոսքով՝ Ավստրիան ստիպված է նման արգելք կիրառել դպրոցական կրթության համար անհրաժեշտ գերմաներեն լեզուն չիմացող երեխաների մեծ թվի պատճառով։
«Մեր համակարգը գերծանրաբեռնված է», - բացատրել է նա։ Կանցլերն, իր հերթին, հայտարարել է, որ եթե Ավստրիան բախվի փախստականների նույն հոսքին, ինչ 2015 կամ 2022 թվականներին, ապա երկիրը լիովին կհրաժարվի միգրանտներ ընդունելուց։
Արտաքին գործերի նախարարը նաև մատնանշել է Վիեննայում և այլ խոշոր քաղաքներում միգրանտ երեխաների կողմից կատարված հանցագործությունների մեծ թիվը՝ ընդգծելով սիրիական ծագում ունեցող երեխաների շրջանում հանցագործությունների աճը։ Վերջին 5 տարվա ընթացքում նրանք օրենքը խախտել են 1000 անգամ։
Ավստրիայի կառավարության մտադրությունները բարդանում են այն փաստով, որ ընտանիքի վերամիավորումը ԵՄ երկրներում փախստականների անքակտելի իրավունք է, որը երաշխավորված է Մարդու իրավունքների եվրոպական կոնվենցիայով։
