Հայաստանն այսօր ի հայտ է գալիս որպես նոր առաջատար աշխարհում, Հայաստանի Հանրապետությունը վերածնվում է նոր աշխարհակարգում: Այս մասին Euromedia24-ին տված հարցազրույցում հայտարարեց «Վուդրո Վիլսոնի ժառանգություն» հիմնադրամի և Հայ ազգային ասոցիացիայի նախագահ Դոնալդ Վիլսոն Բուշը՝ ԱՄՆ 28-րդ նախագահ Վուդրո Վիլսոնի ընտանիքի ժառանգն ու ազգականը:
Նրա խոսքով՝ Հայաստանի հարցում գոյություն ունի «վաշինգտոնյան-արևմտյան կոնսենսուս», որը գնահատում է Հայաստանի կենտրոնական դերը Արևելյան կիսագնդում:
«Վաշինգտոնյան-արևմտյան կոնսենսուսը» արժևորում է Հայաստանը որպես կենտրոնական գործոն այն բանի, ինչը Վուդրո Վիլսոնը համարում էր կենտրոնական ռազմավարությունը՝ Արևելյան կիսագնդին արդարություն, ազատություն և ժողովրդավարական արժեքներ բերելու համար», - մեկնաբանեց քաղաքական ռազմավարը:
Խոսելով Վիլսոնի իրավարար վճիռը կյանքի կոչելու ներկայիս հնարավորությունների մասին՝ Դոնալդ Վիլսոն Բուշը նշեց, որ կպահանջվի «վաշինգտոնյան-արևմտյան կոնսենսուսի» ողջ ուժն ու բարի կամքը, որպեսզի նրանք խոսեն Թուրքիայի հետ այնպես, ինչպես խոսեցին պատերազմում ջախջախված Գերմանիայի հետ 1945 թվականին:
Մանրամասները՝ տեսանյութում:
Հեղինակ՝ Արամ Սարգսյան
