ChatGPT-ի մշակած OpenAI ընկերության տնօրենների խորհուրդը մերժել է ձեռնարկատեր Իլոն Մասկի հայտը՝ գնելու կորպորացիան վերահսկող շահույթ չհետապնդող կազմակերպությունը 97,4 միլիարդ դոլարով, հայտնում է Bloomberg-ը։
«OpenAI-ը չի վաճառվում, և խորհուրդը միաձայն մերժել է պարոն Մասկի վերջին փորձը՝ խաթարելու մրցակցությունը», - խորհրդի անունից ասել է OpenAI-ի նախագահ Բրետ Թեյլորը:
Մասկի գլխավորած ներդրողների կոնսորցիումը հայտ է ներկայացրել OpenAI-ի տնօրենների խորհրդին՝ փետրվարի կեսերին ձեռք բերելու շահույթ չհետապնդող կազմակերպությունը, որը վերահսկում է նրա գործունեությունը:
Ընկերության ղեկավարությունը ոչ պաշտոնապես մերժել է առաջարկը։
Մասկը՝ OpenAI-ի համահիմնադիրը (ով լքել է ընկերության խորհուրդը 2018 թվականին), համաձայն չէ նրա՝ կոմերցիոն գործունեության անցնելու հետ։ Նա դատի է տվել OpenAI-ին և նրա գործադիր տնօրեն Սեմ Ալթմանին ընկերության առևտրայնացման համար:
Նրա կարծիքով, OpenAI-ը վերածվել է Microsoft-ի դե ֆակտո փակ կոդով դուստր ձեռնարկության:
«Ժամանակն է, որ OpenAI-ն վերադառնա բաց կոդով»,- ասել է Մասկը։
