Թեհրանը հրաժարվում է բանակցել Վաշինգտոնի հետ, քանի որ ԱՄՆ-ը չի հասկանում դիվանագիտության լեզուն։ Այս մասին հայտարարել է հանրապետության կառավարության պաշտոնական ներկայացուցիչ Ֆաթեմ Մոհաջերանին։
«Բանակցությունները ենթադրում են պայմաններ, ուժի լեզուն բանակցային գործընթացի մաս չէ, և հայտարարված առավելագույն ճնշումը ոչ մի կերպ չի նպաստում բանակցություններին, քանի որ նրանք չեն հասկանում դիվանագիտության լեզուն։
Աշխարհը տեսավ, որ Գործողությունների համատեղ համապարփակ ծրագիրը (JCPOA) ստորագրվեց Իրանի ջանքերի արդյունքում, բայց ամեն ինչ ավարտվեց նրանց միակողմանի դուրսբերմամբ»,-ընդգծել է կառավարության խոսնակը մամուլի ասուլիսի ժամանակ։
Պատասխանելով Թեհրանի դեմ Վաշինգտոնի կողմից նոր պատժամիջոցների հնարավոր սահմանման մասին հարցին՝ Մոհաջերանին նշել է, որ առավելագույն ճնշման քաղաքականությունը կանխատեսելի էր, և կառավարությունն ունի գործողությունների ծրագիր։
Փետրվարի 4-ին ԱՄՆ նախագահ Դոնալդ Թրամփը ստորագրել է գործադիր հրաման՝ Իրանի վրա ԱՄՆ-ի առավելագույն ճնշումը վերականգնելու մասին։ Փաստաթուղթը, ի թիվս այլ բաների, նախատեսում է Վաշինգտոնին ակտիվացնել ջանքերը՝ ուղղված իրանական նավթի արտահանման կրճատմանը։
