Թուրքիայի նախագահ Ռեջեփ Թայիփ Էրդողանը հայտարարել է, որ Իսրայելը Գազայի հատվածում վերջին զինադադարի հարցում չի պահել իր խոստումը:
Նախօրեին պաղեստինյան ՀԱՄԱՍ շարժման ռազմական թևի խոսնակ Աբու Ուբեյդան ասել էր, որ շարժումը որոշել է հետաձգել շաբաթ օրը նախատեսված պատանդների ազատ արձակումը «Իսրայելի կողմից պայմանավորվածությունը չկատարելու» պատճառով։
Իսրայելական խախտումների թվում Ուբեյդան նշել է Գազայի հատվածի հյուսիսում տեղահանվածների վերադարձի ձգձգումը և պաղեստինյան անկլավ մարդասիրական օգնության առաքման հետ կապված խնդիրները։
«Ինչպես նախորդ տարիներին, մենք տեսանք, որ Իսրայելը չի կատարել հրադադարի մասին իր խոստումները, Իսրայելը պետք է վերջ տա իր օկուպացիային և վերականգնի հասցված վնասը»,- ասել է թուրք առաջնորդը Մալայզիայում կայացած մամուլի ասուլիսում՝ չբերելով կոնկրետ օրինակներ, թե ինչի վրա է հիմնված իր հայտարարությունը։
