ԱՄՆ նախագահ Դոնալդ Թրամփը հայտարարել է, որ դեմ չէ ԱՄՆ օրինական ներգաղթին։
«Ես չեմ ուզում, որ մեր սահմանները բաց լինեն, ես ուզում եմ ամուր սահմաններ: Ես ուզում եմ, որ մարդիկ գան, բայց նրանք պետք է դա անեն օրինական ճանապարհով: Նրանք պետք է սիրեն մեր երկիրը, նրանք պետք է օգնեն»,- ասել է նա Fox News-ին տված հարցազրույցում։
Թրամփը նախկինում բազմիցս հանդես է եկել միգրացիոն քաղաքականության խստացման օգտին:
Հունվարի 20-ին՝ նախագահի պաշտոնը ստանձնելուց հետո, նա հրամանագիր է ստորագրել Մեքսիկայի հետ սահմանին արտակարգ դրություն մտցնելու մասին։
