Ուկրաինայի նախագահ Վլադիմիր Զելենսկին կգլխավորի ուկրաինական պատվիրակությունը Մյունխենի անվտանգության համաժողովում, որը տեղի կունենա փետրվարի 14-16-ը։ Այս մասին Associated Press-ին տված հարցազրույցում հայտարարել է Ուկրաինայի նախագահի աշխատակազմի ղեկավար Անդրեյ Երմակը։
Միջոցառման ընթացքում ուկրաինական պատվիրակությունը կներկայացնի իր դիրքորոշումը Ռուսաստանի հետ հակամարտությունը դադարեցնելու վերաբերյալ, ինչպես նաև իր տեսակետները, թե ինչպես կարելի է հասնել կայուն խաղաղության։ Բացի այդ, Մյունխենի հանդիպմանը, Ուկրաինան հույս ունի քննարկել, թե անվտանգության ինչ երաշխիքներ են անհրաժեշտ ապագայում երկրի վրա հարձակումը կանխելու համար։
Նախօրեին Ուկրաինայի հարցով ԱՄՆ նախագահի հատուկ բանագնաց Քիթ Քելլոգը հայտարարել էր, որ մասնակցելու է Մյունխենի անվտանգության համաժողովին, որտեղ կքննարկվեն ԱՄՆ առաջնորդ Դոնալդ Թրամփի՝ հակամարտությունը լուծելու նպատակները։
