Հնդկաստանի պաշտպանության նախարարությունը չեղյալ է հայտարարել տեղական ընկերության հետ բանակին 400 տրանսպորտային անօդաչու թռչող սարքեր (ԱԹՍ) մատակարարելու երեք պայմանագիր՝ դրանցում չինական արտադրության դետալների օգտագործման պատճառով։ Այս մասին հայտնում է The Times of India-ը՝ վկայակոչելով պաշտպանության գերատեսչության աղբյուրներին։
«Ցավոք, որոշ հնդկական ընկերություններ օգտագործում են չինական էլեկտրոնիկա և բաղադրամասեր զինված ուժերի համար անօդաչու թռչող սարքերի արտադրության մեջ, դա լուրջ սպառնալիք է կիբերանվտանգության և ռազմական գործողությունների համար՝ անօդաչու թռչող սարքը խափանելու թշնամու ունակության պատճառով»,-ասել է աղբյուրը:
Հնդկական անօդաչու սարքերում չինական բաղադրիչների օգտագործման նկատմամբ վերահսկողությունն ուժեղացվել է այն բանից հետո, երբ 2024 թվականին Չինաստանի և Պակիստանի հետ Հնդկաստանի սահմանի երկայնքով տեղակայված 180 հետախուզական անօդաչու թռչող սարքերի հսկողության ժամանակ տեղի են ունեցել տեխնիկական խափանումներ։
Անօդաչու թռչող սարքերի ռազմական ընդունման ընթացքում հսկողությունն ու ստուգումները պետք է ամբողջությամբ բացառեն համակարգչային ծրագրային ապահովման մեջ չինական մասերի և վնասակար ծրագրերի օգտագործումը: Հնդկական անօդաչու թռչող սարքեր արտադրողներին խորհուրդ է տրվել դադարեցնել բաղադրիչների ներմուծումը Չինաստանից։
