Հունգարիայի վարչապետ Վիկտոր Օրբանը Բրյուսելին կոչ է արել «դադարեցնել հարձակումը Վրաստանի վրա», գրում է NewsGeorgia-ն։ «Ժամանակն է, որ Բրյուսելի բյուրոկրատները և Սորոսի ցանցը դադարեցնեն վրացական կառավարության վրա հարձակումները։ Ես իմ աջակցությունն եմ հայտնել խորհրդարանի նախագահ Պապուաշվիլիին նրանց պայքարում Վրաստանի ինքնիշխանության համար», - գրել է Օրբանը X-ում Բուդապեշտում խորհրդարանի նախագահ Շալվա Պապուաշվիլիի հետ հանդիպումից հետո:
Իսկ արտգործնախարար Պյոտր Սիյարտոն ասել է, որ Հունգարիան չի չեղարկի Վրաստանի դիվանագիտական և ծառայողական անձնագրերի համար առանց վիզայի ռեժիմը։
«Մենք կարծում ենք, որ ոչ թե Բրյուսելում, այլ Վրաստանում է, որ պետք է որոշում կայացվի երկրի ապագայի վերաբերյալ, և վրացիները շատ հստակ որոշում են կայացրել՝ դուր է գալիս դա Բրյուսելին, թե ոչ», - ասել է Սիյարտոն ԵՄ ԱԳ նախարարների հանդիպումից հետո։
