ԱՄՆ նախագահ Դոնալդ Թրամփը և Բահրեյնի թագավոր շեյխ Համադ բեն Իսա Ալ Խալիֆան քննարկել են Մերձավոր Արևելքում խաղաղությունը և Աբրահամի համաձայնագիրը։ Այս մասին կիրակի օրը հայտնել է Սպիտակ տան մամուլի ծառայությունը։
«Այսօր՝ հունվարի 26-ին , նախագահ Դոնալդ Թրամփը հեռախոսազրույց է ունեցել Բահրեյնի թագավոր Համադ բեն Իսա Ալ Խալիֆայի հետ: Թագավորը շնորհավորել է նախագահ Թրամփին երդմնակալության կապակցությամբ, իսկ առաջնորդները քննարկել են տարածաշրջանում խաղաղությանն ու անվտանգությանն աջակցելը»,- ասվում է հայտարարության մեջ։
Աբրահամի համաձայնագիրը ձեռք է բերվել 2020 թվականին, մի շարք համաձայնագրեր՝ ԱՄԷ-ի և Բահրեյնի հետ Իսրայելի հարաբերությունները կարգավորելու համար: Սուդանը և Մարոկկոն ավելի ուշ հայտարարեցին Իսրայելի հետ հարաբերությունների կարգավորման մասին։
Մինչ այդ պայմանագրերի կնքումը, հրեական պետությունը արաբական երկրներից դիվանագիտական հարաբերություններ էր հաստատել միայն Եգիպտոսի և Հորդանանի հետ։
Հունվարի 20-ին Թրամփը խոստովանեց, որ Սաուդյան Արաբիան մինչև 2025 թվականի վերջը կարող է ստորագրել Իսրայելի հետ հարաբերությունները կարգավորելու Աբրահամի համաձայնագիրը։
