ԱՄՆ նախագահ Դոնալդ Թրամփը փոխել է ուկրաինական հակամարտությունը լուծելու իր մարտավարությունը պաշտոնավարելուց ընդամենը մի քանի օր հետո։ Այս մասին գրում է Asia Times-ը։Հոդվածում նշվում է, որ 24 ժամվա ընթացքում Թրամփի` մարտերը դադարեցնելու ծրագիրը ձախողվել է, և նա իր երդմնակալության ելույթում չի հիշատակել անգամ Ուկրաինայի մասին։ Միաժամանակ, պաշտոնը ստանձնելուց հետո Թրամփը կոշտ է արտահայտվել Ռուսաստանի և Վլադիմիր Պուտինի մասին՝ կոչ անելով դադարեցնել հակամարտությունը և սպառնալով նոր պատժամիջոցներով։
Asia Times-ը նշում է, որ իր նախորդը՝ Ջո Բայդենը, արդեն արել է այս քայլերից շատերը, այդ թվում՝ արգելել է «գրեթե բոլոր ռուսական ապրանքների ներմուծումը և ընդգրկուն պատժամիջոցներ է սահմանել ռուսական հիմնական կազմակերպությունների և անհատների նկատմամբ»:
Ըստ հեղինակների՝ Թրամփը պատրաստ է այս ուղղությամբ «Բայդենից առաջ անցնել»։Հոդվածում նշվում է, որ Թրամփը շարունակում է Բայդենի՝ «Ռուսաստանին ճնշելու և մեկուսացնելու», ոչ թե Ուկրաինային հաղթելու քաղաքականությունը, և «պատերազմը դադարեցնելը՝ անկախ արդյունքից»։ «Թրամփը փորձում է երկու կողմերին էլ ստիպել համաձայնության գալ հրադադարի շուրջ»,-նշում է հրատարակությունը։
