Ճապոնիայում տարեցներն սկսել են ինքնակամ բանտ նստել, քանի որ չեն կարողանում իրենց համար արժանապատիվ կյանք ապահովել։ Այս մասին հայտնում է CNN-ը։Ճապոնիայի ամենամեծ կանանց բանտը լցված է հիմնականում տարեցներով: Պահակների խոսքով՝ այս կանայք ազատության ժամանակ տառապել են մենակությունից և աղքատությունից։ Ազատազրկումը դարձել է նրանց համար գոյատևման միակ միջոցը։«Նույնիսկ կան մարդիկ, ովքեր ասում են, որ պատրաստ են ամսական վճարել 20,000 կամ 30,000 իեն այստեղ հավերժ ապրելու համար», - ասում է Տոչիգի կանանց բանտի աշխատակիցը:
Բանտում նրանք ստանում են կանոնավոր սնունդ, անվճար բժշկական օգնություն, խնամք և ընկերակցություն, ինչը նրանց պակասում է կալանավայրից դուրս: Ինչպես խոստովանել է 81-ամյա կինը, որը պատիժ է կրում սնունդ գողանալու համար, ճաղերի հետևում հայտնվելուց հետո իր կյանքն իսկապես կայուն է դարձել: Նա նաև նշել է, որ գոհ է անձնակազմի աշխատանքից և իր բանտակիցներին անվանել է «լավ մարդիկ»։
CNN-ի տվյալներով՝ 65 տարեկանից բարձր ճապոնացիների մոտ 20%-ը ծայրահեղ աղքատ է։ Ինչպես հեռուստաալիքին պատմել է բանտապահը, շատ մարդիկ հայտնվում են այնտեղ՝ ցրտահարությունից կամ սովից չմահանալու և անվճար բուժօգնություն ստանալու համար։ Այդ պատճառով էլ տարեց ճապոնացիները փորձում են հնարավորինս երկար մնալ կալանքի տակ։
