Միացյալ Նահանգները, միգրացիայի դեմ պայքարի լայնածավալ գործողության շրջանակներում, ձերբակալել է 538 անօրինական ներգաղթյալի, այդ թվում՝ ահաբեկչության կասկածյալի, ինչպես նաև արտաքսել հարյուրավոր միգրանտների, իր X էջում հայտնել է Սպիտակ տան մամուլի քարտուղար Քերոլայն Լևիտը։
«ԱՄՆ նախագահ Թրամփի վարչակազմը ձերբակալել է անօրինական միգրանտների մեջ հանցագործների, այդ թվում՝ ահաբեկչության կասկածյալի- ասել է Լևիտը։
Նաև, ըստ զեկույցի, ձերբակալվածների թվում են վենեսուելական խոշոր հանցավոր կազմակերպության՝ Tren de Aragua կազմակերպության չորս անդամներ և մի քանի անօրինական ներգաղթյալներ, որոնք դատապարտվել են անչափահասների նկատմամբ սեռական հանցագործությունների համար։
Հաղորդագրության մեջ, սակայն, հստակ չի նշվում, թե որտեղ են արտաքսվել միգրանտները։
