Դոնալդ Թրամփը հրամայել է հրապարակել 1963 թվականին Ջոն Քենեդիի սպանության մասին հազարավոր գաղտնի պետական փաստաթղթեր, որոնք տասնամյակներ շարունակ դավադրության տեսություններ են առաջացրել: Այս մասին գրում է The Guardian-ը։
Նախագահը նաև նպատակ ունի գաղտնազերծել Ռոբերտ Քենեդու և վերապատվելի Մարտին Լյութեր Քինգ կրտսերի սպանությունների հետ կապված մնացած դաշնային գրառումները:
«Նախագահ Ջոն Քենեդու, սենատոր Ռոբերտ Քենեդու և վերապատվելի Մարտին Լյութեր Քինգ կրտսերի սպանություններից ավելի քան 50 տարի անց, դաշնային կառավարությունը չի հրապարակել այդ իրադարձությունների հետ կապված իր բոլոր գրառումները», - ասվում է հրամանում:
«Նրանց ընտանիքները և ամերիկացի ժողովուրդն արժանի են թափանցիկության և ճշմարտության։
Համազգային շահերից է բխում վերջնականապես և առանց հապաղելու հրապարակել այդ սպանություններին առնչվող բոլոր գրառումները»,- ավելացրել է նա։Լրագրողների հետ զրույցում Թրամփը ասել է. «Ամեն ինչ կբացահայտվի»։
