Ռուսաստանի և Թուրքիայի արտգործնախարարներ Սերգեյ Լավրովն ու Հաքան Ֆիդանը քննարկել են Սիրիայում տիրող իրավիճակը: Այս մասին հայտնում է Ռուսաստանի արտաքին քաղաքական գերատեսչությունը։
«Զրույցի ընթացքում մտքեր են փոխանակվել Սիրիայում և նրա շուրջ իրավիճակի զարգացման մասին։ Հաստատվել է Սիրիայի ինքնիշխանությունը, միասնությունը և տարածքային ամբողջականությունն անվերապահ հարգելու անհրաժեշտությունը։ Նախարարները շեշտել են բոլոր «արտաքին խաղացողների» ջանքերի միավորման կարևորությունը, որոնք կարող են իրապես նպաստել Սիրիայում իրավիճակի համակողմանի կարգավորմանը Սիրիայի բոլոր քաղաքացիների օրինական իրավունքների ապահովման հիման վրա՝ անկախ նրանց քաղաքական հայացքներից և էթնո-կրոնական պատկանելությունից», - ասված է հայտարարության մեջ:
