Լիբանանյան շիական «Հըզբոլլահ» շարժման և Իսրայելի միջև հրադադարի պայմանագիրը, որի ժամկետը լրանում է հաջորդ շաբաթ, ամենայն հավանականությամբ երկարաձգվելու է։ Այս մասին հայտնում է Bloomberg-ը՝ հղում անելով աղբյուրներին։
«Հըզբոլլահին» և Իսրայելին, ըստ լիբանանցի, իսրայելցի և ֆրանսիացի պաշտոնյաների, ավելի շատ ժամանակ է պետք, որպեսզի կատարեն նոյեմբերի վերջին հաստատված զինադադարի նախնական պայմանները, և նրանք մտադիր չեն վերսկսել ռազմական գործողությունները։
Ըստ իսրայելցի բարձրաստիճան դիվանագետի, կողմերը քննարկում են հրադադարի ժամկետը երկարաձգելու հարցը, որի ժամկետը լրանում է հունվարի 27-ին, որպեսզի կանխեն հակամարտության վերսկսումը։ Քանի որ Իսրայելն ու Լիբանանը չունեն դիվանագիտական հարաբերություններ, նրանք չեն կարող բանակցել առանց միջնորդների, ուստի կարգավորմանը մասնակցում են Լիբանանի, Իսրայելի և Ֆրանսիայի ներկայացուցիչները։
Գործակալության տվյալներով՝ թեեւ հրադադարը Լիբանանում պահպանվում է նոյեմբերից, Հեզբոլլահն ու Իսրայելը միմյանց մեղադրում են դրա պայմանները խախտելու մեջ։
