Էլ Սալվադորի նախկին նախագահ Մաուրիսիո Ֆյունեսը, ով իր հայրենիքում ազատազրկման էր դատապարտվել և ապրում էր Նիկարագուայում, մահացել է 65 տարեկան հասակում։ Այս մասին հայտնում է Նիկարագուայի առողջապահության նախարարությունը։
«Այս գիշեր մահացել է Սալվադորի նախկին նախագահ Կառլոս Մաուրիսիո Ֆյունես Կարթագենան, ով ապրում էր մեր երկրում, ծանր քրոնիկ հիվանդության պատճառով», -ասվում է գերատեսչության հայտարարության մեջ:
2018 թվականին Էլ Սալվադորի գլխավոր դատախազությունը Ֆյունեսի ձերբակալության օրդեր է տվել՝ մոտ 350 միլիոն դոլարի գողությանը, ինչպես նաև փողերի լվացմանը հնարավոր մասնակցության համար։
Ֆյունեսը ղեկավարել է երկիրը 2009-ից 2014 թվականներին, իսկ 2016 թվականին ապաստան է ստացել Նիկարագուայում: 2023 թվականին Էլ Սալվադորի իշխանությունները Ֆյունեսին հեռակա դատապարտեցին 14 տարվա ազատազրկման՝ հանցախմբի անդամների հետ դավադրության համար, ինչպես նաև վեց տարվա ազատազրկման՝ հարկերից խուսափելու համար։
