Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսսին հայտարարել է, որ մտադիր է մոտ ժամանակներս քննարկել իրանական միջուկային ծրագրի հարցը ԱՄՆ նախագահ Դոնալդ Թրամփի նոր վարչակազմի ներկայացուցիչների հետ։
«Եկել է ժամանակը վերադառնալու որոշ շրջանակային պայմաններին այն ամենի համար, ինչ տեղի է ունենում այնտեղ: Երկրի համար անընդունելի է ուրանի հարստացումը նման տեմպերով և նման մակարդակով»,- ասել է Գրոսին Bloomberg հեռուստաընկերությանը տված հարցազրույցում։
Նա հիշեցրել է, որ անցյալ տարի այցելել է Իրան և հանդիպումներ ունեցել երկրի ղեկավարության հետ։
«Կարծում եմ, որ կա հստակ համոզմունք, գոնե իմ կողմից, որ անհրաժեշտ է վերադառնալ այս ճանապարհին իրանական միջուկային ծրագրի շուրջ միջազգային համագործակցության:
Ես անհամբեր սպասում եմ ԱՄՆ վարչակազմի հետ բանակցություններին, որոնք կարող են տեղի ունենալ շատ շուտով, որպեսզի քննարկենք դրան հասնելու ուղիներն ու միջոցները»,- հավելել է ՄԱԳԱՏԷ-ի գլխավոր տնօրենը:
