Կանադան չի ցանկանում լինել Միացյալ Նահանգների կազմում և կպաշտպանի իր անկախությունը։ Այսպիսի հայտարարություն է արել Կանադայի Լիբերալ կուսակցության ղեկավարի պաշտոնի հավակնորդ Քրիստիա Ֆրիլանդը։
«Մենք ուրախ ենք, որ ձեր հարևաններն ենք, բայց մենք չենք ուզում միանալ ձեզ: Կանադացիները հպարտ են և անկախ: Եվ մենք մտադիր ենք այդպես պահել», - գրել է նա The Washington Post-ի սյունակում:
Ֆրիլանդը հիշեցրել է, որ ամեն ինչ սկսվել է որպես կատակ, որն արվել է ԱՄՆ նորընտիր նախագահ Դոնալդ Թրամփի նստավայրում՝ Մար-ա-Լագոյում և սոցիալական ցանցերում մի քանի գրառումներում։ Այնուամենայնիվ, վերջերս The New York Times-ի սյունակագիրներից մեկը լրջորեն առաջարկեց Կանադան դարձնել 51-րդ նահանգը:
Մի կասկածեք մեր վճռականության մեջ»,- ընդգծել է Ֆրիլանդը՝ դիմելով ամերիկացիներին։
Առճակատման փոխարեն Կանադայի նախկին փոխվարչապետն առաջարկել է ԱՄՆ-ին ամրապնդել տնտեսական ու անվտանգության կապերը։
