Սմարթֆոնները, անկասկած, մեր ընկերներն են, բայց միևնույն ժամանակ նաև մեր թշնամիներն են։ Նրանք մի կողմից օգնում են մեզ կապի մեջ մնալ, լուծել առօրյա խնդիրները և զվարճանալ: Բայց մյուս կողմից՝ սմարթֆոնների չափից ավելի օգտագործումը կարող է բացասական ազդեցություն ունենալ առողջության վրա՝ առաջացնելով քնի հետ կապված խնդիրներ, նվազեցնելով կենտրոնացումը և մեծացնելով անհանգստության զգացումը։
Հատկապես, եթե դրանք վերցնում եք առավոտյան աչքերը բացելուց հետո առաջին րոպեներին:
Եվ սա, ինչպես ցույց է տալիս վիճակագրությունը, բավականին տարածված պատմություն է. մի քանի միլիոն մարդ ամբողջ աշխարհում արթնանալուց հետո առաջին հերթին իրենց ձեռքն են վերցնում բջջային հեռախոսները։
Euromedia24.com-ը ներկայացնում է մի քանի պատճառել, թե ինչու չի կարելի արթնանալուց անմիջապես հետո վերցնել հեռախոսը
Ինչու չի կարելի վերցնել սմարթֆոնը արթնանալուց անմիջապես հետո
Նման սովորության հետեւանքները քննարկել է հոգեբան և Բրիտանական հոգեբանական ընկերության կոմիտեի անդամ Անտոնիո Կալենցիսը։ Նրա խոսքով, արթնանալուց հետո ծանուցումները և նորությունները ստուգելը փչացնում է ողջ օրվա տրամադրությունը։
«Երբ դուք արթնանում եք, ձեր ուղեղը գտնվում է այն վիճակում, որը կոչվում է «քնի իներցիա»՝ դանդաղ անցում քնի և արթնության միջև: Սա բարդ շրջան է, երբ քո ճանաչողական գործառույթները դեռ ամբողջությամբ չեն վերականգնվել»։
Այդ իսկ պատճառով տեղեկատվության հոսքը, որը մենք ստանում ենք համացանցից անմիջապես արթնանալուց հետո, կարող է հանգեցնել մտավոր հոգնածության նույնիսկ անկողնուց վեր կենալուց առաջ: Սա կարող է հանգեցնել շեղված և անտարբեր վիճակի հաջորդ օրվա ընթացքում:
Սթրեսային նորությունները, հաղորդագրությունները կամ ծանուցումները կարող են ժամանակից շուտ ակտիվացնել մարմնի սթրեսային արձագանքը՝ նվազեցնելով հանգստի ժամանակը, որն անհրաժեշտ է ձեր մարմնին արդյունավետորեն օրվան անցնելու համար: Իսկ դասընկերների, գործընկերների, նախկին ընկերների կամ ծանոթների լուսանկարներն իրենց իդեալական կյանքով կարող են անհանգստություն ու դժգոհություն առաջացնել։
Բացի այդ, դա աներևակայելի դժվար է աչքերի համար: Մի քանի ժամ մթությունից հետո ձեր աչքերին որոշ ժամանակ է պետք ցերեկային լույսին ընտելանալու համար, և ձեր գաջեթների կապույտ լույսը նրանց այդ ժամանակ չի տալիս: «Դրանց անմիջապես էկրանից վառ լույսի ենթարկելը կարող է առաջացնել անհանգստություն, չորություն և գրգռվածություն, որը կարող է տևել ողջ օրվա ընթացքում», - բացատրում է Կալենցիսը:
Ի վերջո, արթնանալուց անմիջապես հետո ձեր հեռախոսի օգտագործումը կարող է արդյունավետության սպանիչ լինել՝ ներքաշելով շեղող գործոնների հորձանուտի մեջ և խանգարելով կենտրոնանալ իսկապես կարևոր գործերի վրա։
Հոգեբանը խորհուրդ է տալիս հեռախոսը գիշերը թողնել մեկ այլ սենյակում կամ գոնե դրա մյուս ծայրում և օգտագործել ժամացույցը կամ խելացի բարձրախոսը որպես զարթուցիչ, այլ ոչ թե հեռախոս:
Արթնանալուց հետո առաջին րոպեները պետք է ծախսել ֆիզիկական վարժությունների, ցնցուղ ընդունելու և առավոտյան սուրճ խմելու վրա. սա կօգնի ձերբազատվել վատ սովորությունից:
