Թուրքիայի արտաքին գործերի նախարար Հաքան Ֆիդանը հայտարարել է, որ Լիբանանում հրադադարի մասին համաձայնագիրը բավարար չէ Մերձավոր Արևելքում հակամարտությունն ամբողջությամբ լուծելու համար։ Այս մասին նա ասել է Ստամբուլում ԶԼՄ-ների ներկայացուցիչների հետ հանդիպմանը, որին մասնակցել է ՏԱՍՍ-ի թղթակիցը։
«Իսրայելական ագրեսիան Լիբանանում հանգեցրել է ճգնաժամի, չնայած այն բանին, որ այսօր Լիբանանում հրադադարի մասին պայմանավորվածություններ կան, մենք բախվել ենք հումանիտար ճգնաժամի հետ, որի հետևանքով ավելի քան մեկ միլիոն մարդ ստիպված է եղել լքել իրենց տները։
Լիբանանում հաստատված զինադադարն ինքնին բավարար չէ մեր տարածաշրջանում հրդեհը մարելու համար։ Եթե Պաղեստինում արյունահեղությունը չդադարի, տարածաշրջանում խաղաղություն ու հանգստություն չի լինի»,- ասել է նախարարը։
