Տիգրան Խաչատրյանը ֆեյսբուքի էջում գրել է․
«Ընդունենք, որ Վազգեն Սարգսյանին ու Կարեն Դեմիրճյանին սպանել են, քանի որ նրանք դեմ են դուրս եկել Մեղրին Լաչինի դիմաց փոխանակելուն։ Արամ Սարգսյանը ուղիղ պնդում է, որ դա ռուսական ծրագիր էր, որին դեմ չէին Քոչարյանն ու Սարգսյանը։ Ընդունենք, որ այդպես է։Մի հարց մնում է անպատասխան։ Եթե խոչընդոտողներին(Վազգեն Սարգսյան, Դեմիրճյան) վերացրին, իսկ կողմ արտահայտվողները մնացին(Քոչարյան, Սերժ Սարգսյան), ապա նրանք ինչու հետո չիրականացրին այդ ծրագիրը? Չէ որ խոչընդոտ չկար այլևս?
Արամ Սարգսյանը երևի չի նկատել, որ ոչ թե Քոչարյանն ու Սարգսյանը, այլ վերջում Նիկոլ Փաշինյանն է նոյեմբերի 9-ով ստորագրել ռուսական ծրագրի տակ, որով ստացավ Լաչինի միջանցք փոխարենը պարտավորվելով Ադրբեջանի արևմտյան շրջանները Նախիջևանին կապող կոմունիկացիաները բացել:Մի տեսակ խառը պատմություն է ստացվում։Հորդորս Վազգեն Սարգսյանի եղբորը կամ նրանից հարցազրույց վերցնողներին։ Պատասխանել հետևյալ երկու հարցին
1. Ինչու Վազգեն Սարգսյանին ու Կարեն Դեմիրճյանին սպանելուց հետո Մեղրին Լաչինով փոխելու ռուսական ծրագիրը չիրականացրին Քոչարյանն ու Սերժ Սարգսյանը, եթե նրանք դրան կողմ էին? Չլինի Ալիևն էր դեմ? Եթե Ալիևն էր դեմ, ուրեմն Ալիևը, Վազգեն Սարգսյանն ու Կարեն Դեմիրճյանը նույն տեսակետն ունեին?
Եթե ոչ, ապա ոնց դա բացատրել?
2. Ինչպես պատահեց, որ Նիկոլ Փաշինյանը վերջում ստորագրեց այդ ծրագրի տակ, ու հետո թռավ դրանից` Արցախը վերջնականորեն հանձնելով, բայց, միևնույն է, Զանգեզուրի միջանցք տալուց չպրծնելով։ Ալիևը չի հրաժարվել այդ պահանջից։Քանի դեռ այս երկու հարցին չկա սպառիչ պատասխան, մնացած ամեն ինչ համոզիչ չէ ու անտրամաբանական է։ Հույս ունեմ, որ ինչ-որ կերպ տեղ կհասնի։
Հ.Գ. Տեր-Պետրոսյանին, Քոչարյանին ու Սերժ Սարգսյանին երբևէ ցանկություն չունեմ արդարացնելու։ Բայց որպես ՀՀ քաղաքացի, ինձ հետաքրքրում է բացառապես ճշմարտությունը։ Ինձ չի հուզում, թե ով ինչ էր ուզում անել, ինձ հուզում է, թե ով ինչ է արել»։
