Ղազախստանում պարզվել է ադրբեջանական ավիաուղիների ինքնաթիռի վթարի հետևանքով զոհված 38 մարդկանցից տասի ինքնությունը, հայտնում է Ղազախստանի ԱԻՆ-ը։
«38 զոհվածներից պարզվել է 10 մարդու ինքնությունը՝ 3-ը Ղազախստանի, 3-ը՝ Ռուսաստանի և 4-ը՝ Ադրբեջանի քաղաքացիներ են, մնացածների ինքնությունը պարզելու ուղղությամբ աշխատանքները շարունակվում են»,- ասվում է հաղորդագրությունում։
Արտակարգ իրավիճակների նախարարության տվյալներով՝ ավիավթարի 29 տուժածներից 20-ը շարունակում են մնալ բուժհաստատություններում. Բաքվից Գրոզնի թռչող ինքնաթիռի կործանման հետևանքով 67 հոգուց 38-ը զոհվել է։
Վթարից առաջ անձնակազմը վթարային վայրէջք է խնդրել։
