Պաղեստինյան ՀԱՄԱՍ շարժումը պնդում է, որ Իսրայելը ձգձգում է Գազայի հատվածում հրադադարի շուրջ բանակցությունները, որոնք այժմ ընթանում են Դոհայում: Համապատասխան հայտարարությունը հրապարակվել է շարժման Telegram ալիքում։
«Դոհայում հրադադարի շուրջ բանակցություններ են ընթանում Եգիպտոսի և Կատարի միջնորդությամբ, և ՀԱՄԱՍ-ը մոտեցել է դրանց ամենայն լրջությամբ՝ ցուցաբերելով անհրաժեշտ ճկունություն, սակայն Իսրայելը նոր պայմաններ ու պահանջներ է դրել, որոնք հետաձգում են համաձայնության ձեռքբերումը»,- ասվում է փաստաթղթում։
ՀԱՄԱՍ-ը պնդում է, որ Իսրայելի ղեկավարության «նոր պայմանները» վերաբերում են «Գազայից զորքերի դուրսբերման, այնտեղ ռազմական գործողությունների դադարեցման, իսրայելցի պատանդների ազատ արձակման, ինչպես նաև տեղահանվածների իրենց տներ վերադարձի հարցերին»։ Շարժումն այլ մանրամասներ չի հայտնել։
