Ղազախստանում վթարի ենթարկված ինքնաթիռի ուղեւորներից մեկի հորեղբայրը՝ Իքբալ Բայրամովը, ՌԻԱ Նովոստիին ասել է, որ իր եղբորորդուն ճանաչել է ողջերի մեջ ինքնաթիռի կործանման վայրից արված տեսանյութում։
Այժմ տղամարդը գտնվում է Գրոզնիի օդանավակայանում, որտեղ պետք է վայրէջք կատարեր ինքնաթիռը։ Նրա եղբոր որդին առաջին անգամ էր թռչում նրան այցելելու։ Բայրամովի խոսքով՝ վերջին անգամ 21-ամյա տղան կապ է հաստատել վաղ առավոտյան՝ ասելով, որ պատրաստվում է թռչել։
«Նրանք ինձ նոր լուսանկար են ուղարկել, տեսանյութ են ուղարկել՝ նա ողջ է և առողջ», - ասել է գործակալության զրուցակիցը։
