Լիբանանում ՄԱԿ-ի ժամանակավոր ուժերը (UNIFIL) Իսրայելին կոչ են արել արագացնել իր զորքերի դուրսբերումը Լիբանանի տարածքից: Այս մասին ասվում է կազմակերպության Telegram ալիքում հրապարակված հաղորդագրության մեջ։«UNIFIL-ը կոչ է անում արագացնել Իսրայելի պաշտպանության բանակի դուրսբերման գործընթացը և Լիբանանի զինված ուժերի տեղակայումը հարավային Լիբանանում: UNIFIL-ը կոչ է անում բոլոր կողմերին ձեռնպահ մնալ ՄԱԿ-ի Անվտանգության խորհրդի 1701 բանաձևը խախտելուց, և ցանկացած գործողություն, որը կարող է վտանգել ներկայումս տիրող փխրուն կայունությունը:
Խաղաղապահները կշարունակեն վերահսկել և զեկուցել 1701 բանաձևի խախտումների մասին և աջակցել ռազմական գործողությունների դադարեցմանը»,-ասվում է հայտարարության մեջ։
Նոյեմբերի 27-ին ամերիկա-ֆրանսիական նախաձեռնության համաձայն ուժի մեջ է մտել Իսրայելի և Լիբանանի միջև հրադադարի մասին համաձայնագիրը։ Փաստաթուղթը նախատեսում է լիբանանյան բանակի տեղակայումը հարավային սահմանի երկայնքով՝ Լիբանանում ՄԱԿ-ի ժամանակավոր ուժերի աջակցությամբ։ Իր հերթին Իսրայելը պետք է 60 օրվա ընթացքում դուրս բերի իր զորքերը Լիբանանի տարածքից։
