Հունաստանը և Կիպրոսը Եվրամիությանը տեղեկացրել են Սիրիայի հետ բացառիկ տնտեսական գոտի ստեղծելու Թուրքիայի գաղափարների մասին՝ անտեսելով Կիպրոսի ինքնիշխան իրավունքները ծովի այս տարածքում։ Այս մասին Բրյուսելում ԵՄ գագաթնաժողովից հետո հույն լրագրողներին հայտարարել է Հունաստանի վարչապետ Կիրիակոս Միցոտակիսը, փոխանցում է ՏԱՍՍ-ը։
Վարչապետին հարցրել են, թե արդյոք ԵՄ-ն տեղեկացված է Թուրքիայի և Սիրիայի միջև ԵՏՏ-ի վերաբերյալ համաձայնագրի կնքման վտանգի մասին, որը փաստացիորեն կզրկի Կիպրոսին ինքնիշխան իրավունքներից ծովի այս տարածքում։«Նախ, թույլ տվեք հիշեցնել, որ ոչ միայն Հունաստանի, այլև Եվրամիության տեսակետից թուրք-լիբիական հուշագիրը անօրինական է և անվավեր:
Կիպրոսի նախագահ Նիկոս Խրիստոդուլիդեսը մեր գործընկերներին տեղեկացրել է այն քննարկումների մասին, որոնք հայտնի են դարձել Թուրքիայի և Սիրիայի միջև ինչ-որ բացառիկ տնտեսական գոտի ստեղծելու փաստի մասին՝ անտեսելով անհերքելին՝ Կիպրոսի ինքնիշխան իրավունքները», պատասխանել է Միցոտակիսը:
