Ռուսաստանի, Բելառուսի և Չինաստանի քաղաքացիություն ունեցող անձանց արգելվել է ծառայել Լիտվայի զինված ուժերում, նման ուղղումներ են ընդունել Սեյմը, հաղորդում է լիտվական LRT ռադիոկայանը։ Այս փոփոխություններին կողմ է քվեարկել ավելի քան 100 պատգամավոր։
Այժմ, այն երկրների քաղաքացիություն ունեցող անձինք, ուր կառավարությունն արգելել է նրանց մեկնել, չեն ընդունվի մասնագիտական զինվորական ծառայության, կամավորական ուժերում կամ այլ կամավոր ոչ մշտական ծառայության, ինչպես նաև պարտադիր զինվորական ծառայության։ Եթե անձը, ով արդեն ծառայում է զինված ուժերում, ստանա այդ երկրների քաղաքացիություն, նա կազատվի ծառայությունից։
Լիտվայի կառավարությունը հաստատել է, որ պրոֆեսիոնալ զինվորականները չեն կարող ոչ հերթապահ նպատակներով մեկնել այնպիսի երկրներ, որոնք վտանգ են ներկայացնում Լիտվայի ազգային անվտանգության համար, ինչպիսիք են Ռուսաստանը, Բելառուսը և Չինաստանը:
Մինչ այժմ օրենսդրությունը չի արգելել երկքաղաքացիություն ունեցող անձանց ծառայել Լիտվայի զինված ուժերում։
