Ֆրանսիայի նախկին նախագահ Նիկոլ Սարկոզին մեղավոր է ճանաչվել Վճռաբեկ դատարանի ավագ դատավորի հետ կոռուպցիոն պայմանագիր կնքելու համար՝ իր դեմ դատավարության վրա ազդելու նպատակով։
Այսօր Փարիզի վճռաբեկ դատարանը ուժի մեջ է թողել 69-ամյա Նիկոլա Սարկոզիի նկատմամբ Վերաքննիչ դատարանի որոշումը՝ երեք տարվա ազատազրկում, ներառյալ մեկ տարի իրական ազատազրկում (էլեկտրոնային ապարանջան կրելով)՝ կոռուպցիայի և հետաքննության վրա ճնշում կատարելու գործով:
Ինչպես նշում են ֆրանսիական ԶԼՄ-ները, պետության նախկին ղեկավարը մեղավոր է ճանաչվել իր փաստաբան Թիերի Հերցոգի հետ 2014 թվականին Վճռաբեկ դատարանի ավագ դատավոր Ժիլբեր Ազիբերի հետ «կոռուպցիոն պայմանագիր» կնքելու մեջ՝ տեղեկություններ ստանալու և ազդելու համար մեկ այլ գործի վրա, որում նա ներգրավված է եղել։
Երեքն էլ դատապարտվել են երեք տարվա ազատազրկման, ինչպես նաև նախկին գործունեությամբ զբաղվելու արգելք է սահմանվել երեք տարի ժամկետով: Բացի այդ, Ֆրանսիայի նախկին նախագահ երեք տարով արգելել են առաջադրվել ընտրություններում։
Վճռաբեկ դատարանը (Ֆրանսիայի բարձրագույն դատարանը), որը պատասխանատու է օրենքի պատշաճ կիրառումն ապահովելու համար, այսպիսով բացառեց դատական որևէ խախտում այս երկարատև դատավարության ընթացքում:
Այժմ Սարկոզիին կկանչեն ներկայանալու ուղղիչ դատավորին, որպեսզի տեղադրեն նրա էլեկտրոնային թեւնոցը:
Նրա փաստաբանն ասել է, որ քաղաքական գործիչը ենթարկվելու է Վճռաբեկ դատարանի որոշմանը, սակայն դիմելու է Մարդու իրավունքների եվրոպական դատարան՝ պնդելով իր անմեղությունը։ Հատկապես փաստաբանները վիճարկում են Նիկոլա Սարկոզիի գաղտնալսման օրինականությունը՝ պնդելով, որ նրա անձնական զրույցները Թիերի Հերցոգի հետ չի կարող «օգտագործվել նրա դեմ»։
«Նիկոլա Սարկոզին չի կարող դատապարտվել իր փաստաբանի հետ ունեցած զրույցների հիման վրա», - պնդել է նրա փաստաբան Պատրիս Սպինոզին՝ վկայակոչելով Մարդու իրավունքների եվրոպական դատարանի 2016 թվականի հունիսի 16-ի որոշումը։
Հավելենք, որ Նիկոլա Սարկոզիի դեմ դատավարությունը սկսվել է 2020 թվականի նոյեմբերին այն կասկածանքով, որ նա, արդեն նախագահելիս, փորձել է ազդել L'Oreal կոսմետիկ ընկերության համասեփականատեր, միլիարդատեր Լիլիան Բետանկուրի նվիրատվությունների հետաքննության վրա՝ օգտագործելով այդ գումարը 2007 թվականի իր նախընտրական արշավի ֆինանսավորման համար։
2013-ին Սարկոզին արդարացվեց այս մեղադրանքից, սակայն նրա հեռախոսային խոսակցությունները փաստաբանի հետ, որոնք գաղտնալսվել էին մեկ այլ գործի հետաքննության շրջանակներում, թույլ տվեցին քննությանը նոր ապացույցներ ձեռք բերել։
Ավելի վաղ՝ 2021 թվականին Սարկոզին դատապարտվել է երեք տարվա ազատազրկման, որից երկու տարին՝ պայմանականորեն։ Նա ստիպված է եղել ևս մեկ տարի անցկացնել տնային կալանքի պայմաններում և կրել էլեկտրոնային ապարանջան: 2023 թվականի մայիսի 17-ին Փարիզի Վերաքննիչ դատարանն անփոփոխ թողեց այս վճիռը։
2021 թվականի սեպտեմբերին Սարկոզին դատապարտվել է նաև մեկ տարվա ազատության սահմանափակման՝ այսպես կոչված «Բիգմալիոնի գործով»՝ 2012 թվականի նախընտրական քարոզարշավի անօրինական ֆինանսավորման համար (իրականում գերազանցելով օրինական ծախսերի շեմը՝ 22,5 միլիոն եվրո)։
Նիկոլա Սարկոզին Ֆրանսիայի նախագահ է եղել 2007-2012 թվականներին։ Նա դարձավ երկրի պատմության մեջ առաջին պետության ղեկավարը, ով իրական բանտարկություն ստացավ, իսկ երկրորդը, ով դատապարտվեց։ 2011 թվականին Ֆրանսիայի նախկին նախագահ Ժակ Շիրակը դատապարտվել է երկու տարվա պայմանական ազատազրկման՝ 1990-1995 թվականներին, երբ նա Փարիզի քաղաքապետն էր, մեղադրեցին քաղաքապետարանում ֆիկտիվ աշխատատեղեր ստեղծելու մեջ։
Հունվարի 6-ին կսկսվի կսկսվի Սարկոզիի դեմ նոր դատավարությունը՝ քննելու համար Լիբիայի կողմից 2007 թվականի նախագահական արշավը ֆինանսավորելու կասկածները:
Թարգմանությունը՝ hraparak.am
