Փաշինյանի երեկվա խոստովանությունը՝ թե Աննա Հակոբյանի հետ իր 27 տարվա համատեղ կյանք են վայելում, բայց դե յուրե ո՛չ ԶԱԳՍ-ով, ո՛չ եկեղեցով ամուսնացած չեն, բուռն արձագանքների է արժանացել իրավաբանների հանրույթի ու սոցցանցային տիրույթում։
Իրավաբանները սա համարում են օրինազանցություն՝ երկրի վարչապետի կողմից, ով պարտավոր է ոչ միայն երաշխավորել օրենքի պահպանումը, այլև իր գործողություններով պիտի օրինակ ծառայի քաղաքացիներին։
Փաստաբանների մեկնաբանություններում կա հետևյալ ընդգծումը, որ Փաշինյանի անօրինական կինն իրավունք չունի մսխել ՀՀ բյուջեն, վայելքներ, վոյաժներ, ծառայողական մեքենաներից օգտվել իրեն թույլ տա, քանի որ ԶԱԳՍ –ով չունի կարգավիճակ, ու կառավարության շենքում նստավայր չի կարող ունենալ։
Euromedia24-ի հետ զրույցում փաստաբան Անահիտ Սարգսյանը մանրամասնեց օրենքի խախտման դրույթները՝ հերթով․
«ՀՀ-ի ընտանեկան օրենսդրությունը ամրագրում է միայն գրանցված ամուսնությունը, այսինքն որևէ այլ տեսակի ամուսնություն չի կարող համարվել ամուսնություն ՀՀ-ի օրոնսդրությամբ։ Չկա՛ ամուսնություն, չկա՛ որևէ պարտականություն։ Աննա Հակոբյանը պետք է հայտարարագիր չլրացներ»,- ասաց Սարգսյանը։
Նրա խոսքով՝ եթե օրենքը նախատեսում է, որ պաշտոնատար անձի կինը կարող է գնալ գործուղումների, ունենալ ծառայողական ավտոմեքենա կամ որևէ այլ պարտականություն այս դեպքում ևս չկան այդ հետևանքները։
«Եթե վարչապետի կինն ունի որևէ իրավունք կամ պարտականություն որպես վարչապետի կին, այդ թվում՝ ծառայողական մեքենա, այս դեպքում Հակոբյանը չունի պարտականություն, քանի որ իրենք չունեն գրանցված ամուսնություն»,- նշեց փաստաբանը։
Շարունակությունը՝ տեսանյութում։
Անի Ներկարարյան
