Լեյբորիստական կուսակցության առաջնորդ Քիր Սթարմերը, որը հուլիսի 5-ին պաշտոնապես ստանձնել է Մեծ Բրիտանիայի վարչապետի պաշտոնը, հայտարարել է իր կաբինետի կազմը։Մեծ Բրիտանիայի նոր կառավարությունում պաշտոնների մեծ մասը ստանձնել են Սթարմերի կուսակիցները, որոնք նախկինում եղել են պաշտոնական ընդդիմության ստվերային կաբինետի անդամներ, հայտնել է Deutsche Welle -ն։Մեծ Բրիտանիայի ֆինանսների կանցլերի պաշտոնը ստանձնել է Ռեյչըլ Ռիվզը՝ դառնալով պատմության մեջ այդ պաշտոնը զբաղեցնող առաջին կինը։ Փոխվարչապետ է նշանակվել Լեյբորիստական կուսակցության փոխնախագահ Անգելա Ռայները։ Ներքին գործերի նախարար է նշանակվել Իվետ Կուպերը։ Մեծ Բրիտանիայի արտաքին գործերի նախարար է դարձել Դեյվիդ Լամմին, իսկ պաշտպանության նախարարի պաշտոնը ստանձնել է Ջոն Հիլին։
Մեծ Բրիտանիայի նորընտիր վարչապետը հրապարակել է կառավարության կազմը
06.07 15:46 |
Կատեգորիա
Քաղաքական
