Իսրայելը ջախջախիչ պարտություն է կրելու Սիրիա ներխուժման պատճառով, իսլամական դիմադրության ուժերը կշարունակեն պայքարը։ Այս մասին իրանցի կանանց հետ հանդիպմանը հայտարարել է Իրանի գերագույն առաջնորդ այաթոլլա Ալի Խամենեին։
«Օգտվելով Սիրիայում տեղի ունեցող իրադարձություններից՝ ԱՄՆ-ը, Սիոնիստական ռեժիմը (նկատի ունի Իսրայելը՝ ՏԱՍՍ) և նրանց որոշ դաշնակիցներ շարունակում են հանցագործություններ կատարել և փորձում են իշխանափոխությունը Դամասկոսում ներկայացնել որպես դիմադրության վերջ։ Գազայի հատվածը և Լիբանանը շարունակում են պայքարը:
Իսրայելը ներխուժեց սիրիական հող՝ շրջապատելու և ոչնչացնելու Հեզբոլլահի ուժերը: Բայց Իսրայելն է, որ կկործանվի»,- ասել է Իրանի առաջնորդը։
Դեկտեմբերի 8-ին իսրայելական զինվորականները վերահսկողության տակ են վերցրել Գոլանի բարձունքներում գտնվող Հերմոն լեռնաշղթայի սիրիական կողմը՝ առանց դիմադրության հանդիպելու։
