Եվրամիությունը մտադիր է մոտ ապագայում ներկայացնել Սիրիայի վերաբերյալ նորացված ռազմավարությունը։ Այս մասին հայտարարել է ԵՄ արտաքին քաղաքականության ծառայության ղեկավար Կայա Կալլասը` ելույթ ունենալով Ստրասբուրգում Եվրախորհրդարանի լիագումար նիստում։
Նրա խոսքով՝ ԵՄ երկրները համաձայնեցրել են ռազմավարության հիմնական բաղադրիչները՝ «Սիրիայի կայունությունը, ինքնիշխանությունը և տարածքային ամբողջականությունը» ապահովելու համար։ «Երեկ ԵՄ ԱԳ նախարարները վերահաստատեցին այս սկզբունքները և պաշտպանեցին Սիրիայի նկատմամբ նոր մոտեցումներ արագ մշակելու առաջարկը»,-ասել է նա։
ԵՄ-ն, ասել է Կալլասը, սկսել է նախապատրաստվել Բրյուսելում «Սիրիայի ապագայի վերաբերյալ կոնֆերանսին»: Նոյեմբերի վերջին զինված ընդդիմադիր խմբավորումները լայնածավալ հարձակում են սկսել սիրիական բանակի դիրքերի դեմ։
