ԵՄ-ն քննարկում է Վրաստանի հետ առանց վիզայի ռեժիմի սահմանափակումները, լրագրողներին հաստատել է ԵՄ դիվանագիտական ծառայության ղեկավար Քայա Կալլասը՝ ժամանելով ԵՄ արտգործնախարարների հանդիպմանը։
«Վրաստանն այնտեղ չէ, որտեղ պետք է լինի ԵՄ թեկնածու երկիրը», - ասել է նա՝ վրացական իշխանություններին մեղադրելով «ընդդիմության դեմ բռնաճնշումների մեջ»։
«Մենք քննարկում ենք, թե ինչ կարող ենք անել։ Տարբերակներից մեկը պատժամիջոցներն են, մյուսը՝ առանց վիզայի ռեժիմի սահմանափակումները»,- ասել է նա։
Նրա խոսքով՝ ԵՄ-ն արդեն կազմել է Վրաստանի ղեկավարության ներկայացուցիչների ցուցակը՝ պատժամիջոցներ կիրառելու համար։
Նա ընդգծել է, որ ԵՄ-ն աջակցում է Վրաստանի հեռացող նախագահ Սալոմե Զուրաբիշվիլիին, ով ավելի վաղ հայտարարել էր, որ հրաժարվում է հեռանալ նախագահի պաշտոնից։ Կալլասի խոսքով՝ Զուրաբիշվիլին նախագահ է մնում մինչև տարեվերջ, իսկ մինչ այդ «շատ բան կարող է տեղի ունենալ»։
