Բունդեսթագը (Գերմանիայի Դաշնային Հանրապետության խորհրդարան) արտահերթ նիստում քննարկում և քվեարկություն կանցկացնի Գերմանիայի կանցլեր Օլաֆ Շոլցին վստահության հարցի շուրջ։
Կառավարության ղեկավարը խորհրդարանում հանդես կգա 25 րոպեանոց ելույթով, որին կհաջորդի մոտավորապես երկու ժամ միջխմբակցական բանավեճ:
Այնուհետև տեղի կունենա անվանական քվեարկություն:
Շոլցը, համաձայն սահմանադրության 68-րդ հոդվածի, դեկտեմբերի 11-ին գրավոր հարցում է ուղարկել խորհրդարան՝ վստահության քվե ստանալու համար:
Նրա՝ Բունդեսթագ ժամանելու, բանավեճի և քվեարկության միջև պետք է լինի առնվազն 48 ժամ՝ խորհրդարանականներին որոշում կայացնելու համար բավարար ժամանակ տալու համար:
Սպասվում է, որ խորհրդարանում կանցլերը մանրամասն կներկայացնի իր խնդրանքի հիմնավորումը և կնշի այն հետագա ուղին, որը երկիրը պետք է անցնի ներկա ներքաղաքական պայմաններում:
Եթե պատգամավորները հրաժարվեն վստահել Շոլցին, և, ինչպես նշում են վերլուծաբանները, հաշվի առնելով Բունդեսթագում ուժերի հավասարակշռությունը, ապա, ըստ օրենքի, 21 օրվա ընթացքում Գերմանիայի նախագահը՝ կանցլերի առաջարկով, պարտավորվելու է ցրել խորհրդարանը։
