Բելառուսը հավակնում է մասնակցել Ուկրաինայի հարցով խաղաղ բանակցություններին, պետք է հաշվի առնել Մինսկի շահերը: Այս մասին հայտարարել է Բելառուսի փոխարտգործնախարար Յուրի Ամբրազեւիչը։
«Ի սկզբանե բելառուսական կողմը խաղաղապահ քայլեր ձեռնարկեց՝ կանխելու Ուկրաինայում էսկալացիան, ուստի, մենք ի սկզբանե հայտարարել ենք, որ հավակնում ենք տեղ ունենալ Ուկրաինայի հարցով խաղաղ բանակցությունների սեղանի շուրջ, երբ դրանք սկսվեն։
Մեզ համար կարևոր է ստանալ սեփական անվտանգության երաշխիքներ։ Վերջնական համաձայնագրերը պետք է անպայման հաշվի առնեն բելառուսական կողմի շահերը»,- ասել է նա Հանրապետության արտաքին գործերի նախարարությանը կից արտասահմանում գտնվող բելառուսների հարցերով խորհրդատվական խորհրդի իններորդ նիստում։
