Արգենտինացի լեգենդար ֆուտբոլիստ Լիոնել Մեսսին և ֆուտբոլի համաշխարհային մի շարք այլ աստղեր՝ Լուիս Սուարեսը, Սերխիո Բուսկետսը և Խորդի Ալբան այցելել են Ադրբեջանի նախկին նախագահ Հեյդար Ալիևի շիրիմին:
Ինչպես հաղորդում են ադրբեջանական լրատվամիջոցները՝ մայրաքաղաքի հյուրերը հարգանքի տուրք են մատուցել Հեյդար Ալիևի հիշատակին և ծաղկեպսակ դրել նրա շիրիմին:Աշխարհահռչակ ֆուտբոլիստներին ուղեկցում էր հայտնի գործարար Ադնան Ահմեդզադեն:
Պատմության լավագույն ֆուտբոլիստներից մեկը՝ Լիոնել Մեսսին, ինչպես նաև համաշխարհային ֆուտբոլի աստղերը ժամանել են Բաքու՝ հանդիպելու երկրպագուների հետ։
Այնտեղ տեղի կունենա նաև Մեսսիի ֆուտբոլային կյանքին և պայքարին նվիրված ֆիլմի ցուցադրություն: Միջոցառումը կուղեկցվի նաև համերգային ծրագրով: Մասնավորապես, ելույթ կունենան կոմպոզիտոր և երգիչ Ուիլի Ուիլյամը, ինչպես նաև Morandi խումբը
