Բագրատ Սրբազանը լրագրողների հետ զրույցում հայտնեց, որ հանդիպումներ է ունենում քաղաքական ուժերի հետ, սակայն այլ մանրամասներ չհայտնեց։
«Քաղաքականությունը շատ վեհ արվեստ է, բայց երբ այն վերածվում է արհեստ, դառնում է ուղղակի առևտուր։
Ես առևտրականների հետ գործ չունեմ»,– նշեց նա։
Պատասխանելով Կանադայի քաղաքացիությունից հրաժարվելու մասին հարցին՝ նա ասաց․
«Ես չեմ հավակնում ոչ մի բանի։ Ես միջոց, գործիք հնարավորություն եմ այդ փոփոխությունը կատարելու համար։ Ով որ հավակնում է՝ նա չգիտի ինչ է ուզում այս կյանքում։
Կանադայի քաղաքացիությունից հրաժարվելը տասներորդական հարց է»,– ասաց նա՝ նշելով, որ սփյուռքում ապրող մեր հայրենակիցները պետք է լիակատար իրավունք ունենան մասնակցելու մեր երկրի կյանքին։
Սրբազանը նշեց, որ Սիրիայում տեղի ունեցող այս աղետի մեջ ՀՀ-ն բացարձակապես լվացել է ձեռքերը։
