Շաբաթ օրը Հակակոռուպցիոն կոմիտեն բերման էր ենթարկել, ապա ձերբակալել սփյուռքահայ գործարար, Սերժ Սարգսյանի եղբոր՝ Լևոն Սարգսյանի վաղեմի ընկեր, այժմ էլ Աննա Հակոբյանի հավաքների մշտական հաճախորդ և նվիրատու Գաբրիել Ջեմբերջիին (Ջեմբերջյան)։
Հակակոռուպցիոնի քննիչները նրան մեղադրում են փողերի լվացման մեջ, և կալանքի միջնորդություն էին ներկայացրել դատարան։
MediaHub-ի տեղեկություններով՝ դատարանը, սակայն, չի բավարարել միջնորդությունը, և Ջեմբերջյանին ազատ են արձակել։ Հակակոռուպցիոն կոմիտեից չմեկնաբանեցին այս տեղեկությունը։
Մենք զանգահարեցինք նաև պարոն Ջեմբերջիին, բայց նա մեր զանգերն անպատասխան թողեց։Հիշեցնենք, որ Ջեմբերջին բոլորովին վերջերս մասնակցում էր Աննա Հակոբյանի կազմակերպած «Հաջողակ տղամարդկանց» հավաքին։
Ու թեև դատարանը չի բավարարել նախաքննական մարմնի՝ կալանքի տանելու միջնորդությունը, բայց Ջեմբերջին անգամ Աննա Հակոբյանի հրավիրած միջոցառմանը մասնակցելուց և նրա հիմնադրամին «մուծվելուց» հետո չխուսափեց փողերի լվացման մեղադրանքով իրավապահների ուշադրության կենտրոնում հայտնվելուց։ Փաստորեն, Աննա Հակոբյանը ենթադրյալ «լվացված» փողերով նվիրատվություն է ընդունել սփյուռքահայ բարերարից։
